პრემიერი: 2023 წელს ინფლაციის 5%-მდე შემცირებას ვაპირებთ
"პირდაპირი უცხოური ინვესტიციების მნიშვნელოვანი ზრდა დაფიქსირდა 2022 წელსაც, რომლის მოცულობა წინა წელთან შედარებით გაორმაგდა და პრინციპში 100%-ზე მეტით გაიზარდა,"-ამის შესახებ საქართველოს პრემიერ-მინისტრმა ირაკლი ღარიბაშვილმა მსოფლიოს მთავრობათა სამიტზე - “საქართველოს პოტენციალის ახალ ასპარეზზე გასვლა - გზა ეკონომიკურ კეთილდღეობამდე” სიტყვით გამოსვლისას განაცხადა.
მისი განცხადებით, მთავრობის გადამწყვეტმა მოქმედებებმა ხელი შეუწყო საქართველოში ბოლო ორი წლის განმავლობაში 200 000-ზე მეტი სამუშაო ადგილის შექმნას.
"წარმატებას მივაღწიეთ ინფლაციის 9.4%-ზე სტაბილიზაციის კუთხითაც, ხოლო სამიზნე ორიენტირად ინფლაციის 5 პროცენტამდე შემცირებას ვაპირებთ 2023 წელს. მრავალი ფართომასშტაბიანი ენერგეტიკული, ინფრასტრუქტურული და ლოგისტიკური პროექტი მიმდინარეობს ან იგეგმება ჩვენი ეკონომიკის შემდგომი სტიმულირებისა და ჩვენი ხალხისთვის მეტი კეთილდღეობის მოსატანად,"-განაცახადა ღარიბაშვილმა.
