"ქართული თხილის ექსპორტით სკანდინავიური ქვეყნები დაინტრესდნენ"
"ქართული თხილის ექსპორტით სკანდინავიური ქვეყნები დაინტრესდნენ,"-ამის შესახებ გადაცემა "ბიზნეს პოსტში" GPR Nuts-ის თანადამფუძნებელმა, ბაია სალუქვაძემ განაცხადა.
მისი ინფორმაციით, მიმდინარე საექსპორტო ბაზრებად კვლავ ევროკავშირის ქვეყნები რჩებიან. მათ შორისაა გერმანია, იტალია და ეტაპობრივად,აქტიურდება საფრანგეთის ბაზარიც.
"საერთაშორისო გამოფენები განსაკუთრებით მნიშვნელოვანია ისეთი კომპანიებისთვის, რომლებიც ექსპორტზე არიან ორიენტირებული. ევროპაში, წელიწადში ორჯერ ერთ-ერთი ყველაზე მსხვილი გამოფენა, Anuga იმართება, სადაც ყოველწლიურად აქტიურად ვმონაწილეობთ.
ყოველწლიურად დადებითი გამოხმაურებითა და შედეგებით ვბრუნდებით. ამის საფუძველს კი ის ხელშეკრულებები გვაძლევს, რომლებითაც გამოფენიდან დავბრუნდით. მოლაპარაკებები დავიწყეთ ახალ დამკვეთებთანაც,"-აცხადებს სალუქვაძე.
როგორც კომპანიის თანადამფუძნებელი აღნიშნავს, წელს 40000-45000 ტონა თხილის მოსავალი აქვთ, რაც გასული წლის მონაცემებს მცირედით ჩამორჩება. კლება წელს არსებული კლიმატური პირობებითა და უამინდობითაა გამოწვეული.
