Bibi's Land - ბავშვის განვითარებაზე მორგებული ეკოლოგიურად სუფთა ხელნაკეთი წიგნები

Bibi's Land მოხმარებლებს სთავაზობს ხელნაკეთ, სენსორულ წიგნებს, რომელიც ბავშვის მოტორული ფუნქციების განვითარებას უწყობს ხელს. ბავშვებს შუძლიათ ისწავლონ - ანბანი, საათის ცნობა, ცხოველები, ამინდი, წელიწადის დროები. ხელს უწყობს ფერების აღქმას, აგრეთვე მათი ფანტაზიის განვითარებას.

როგორც Bibi's Land-ის დამფუძნებელი მარიამ ბიბიჩაძე “ბიზნესპარტნიორთან“ ამბობს, წიგნი ეკოლოგიურად სუფთაა, ქსოვილი 100% ბამბაა, გამოყენებულია აგრეთვე თექა.

წიგნი გათვალისწინებულია 6 თვის, ასევე 2 წლიდან 6 წლამდე - სკოლამდელი ასაკის ბავშვებისთვის.

“6 თვიდან ბავშვებისთვის განსხვავებული წიგნებია, რომელსაც ბოლომდე არ ძვრება ნაწილები - ბავშვისთვის უსაფრთხო იყოს და არ გადაყლაპოს. 2 წლიდან ბავშვებისთვის მოცულობა მეტია“, - აღნიშნა მარიამ ბიბიჩაძემ.

მისი თქმით, წიგნი გათვალისწინებულია ინკლუზიური სწავლებისთვისაც.

“ძალიან მოსახერხებელია, უფრო აღქმადია. ფსიქოლოგებიც ხშირად ურჩევენ ამ წიგნს ინკლუზიური ბავშვების მშობლებს“, - ამბობს მარიამ ბიბიჩაძე.

წიგნებს მარიამ ბიბიჩაძე დაკვეთით ამზადებს. გამოყენებულია როგორც საკუთარი ფანტაზია, აგრეთვე გათვალისწინებულია მომხმარებლების სურვილი. წიგნის მსურველებს ონლაინ მომსახურებას სთავაზობს. სამომავლოდ კი, საკუთარი მაღაზიის გახსნას გეგმავს.

“წიგნის მყიდველების მსურველების რაოდენობა ნელ-ნელა იზრდება. მომხმარებლების რაოდენობა განსაკუთრებით პანდემიის დროს გაიზარდა, როცა ყველა ონლაინ ყიდვაზე გადავიდა ყველა“, - აღნიშნა მარიამ ბიბიჩაძემ.