ჩინურ ტექნოლოგიურ გიგანტებზე მარეგულირებელი ზეწოლას აძლიერებს
ჩინური ტექნოლოგიური კომპანიებისთვის რეგულაციები კიდევ უფრო მკაცრდება. ქვეყნის მარეგულირებელმა სტრუქტურებმა მათთვის ანტიმონოპოლიური წესები კიდევ გაამკაცრა, რის შედეგადაც კომპანიები ზეწოლის ქვეშ აღმოჩნდნენ.
BBC-ის ინფორმაციით, Tencent-მა 60 მლრდ დოლარზე მეტი გაიღო თავისი საბაზრო ღირებულებიდან, რადგან მისი აქციების ფასი მარეგულირებლის შემოწმების გამო დაეცა. მედიასაშუალებების თანახმად, მსგავსი შეტევების შედეგად, ასევე ტექნიკურ გიგანტ Alibaba-ს შესაძლოა თავისი მედია აქტივების გაყიდვაც მოუხდეს.
სახელმწიფო მაუწყებლის CCTV- ს თანახმად, ჩინეთის პრეზიდენტმა სი ჯინპინგმა ორშაბათს მარეგულირებელ ორგანოებს უბრძანა გაეძლიერებინა კონტროლი ინტერნეტ კომპანიებზე, გაანადგურონ მონოპოლები და ხელი შეუწყონ სამართლიან კონკურენციას.
Tencent არის ჩინეთის ერთ-ერთი უდიდესი ტექნიკური კომპანია, რომელის WeChat შეტყობინებების პლატფორმაზე მილიარდზე მეტი მომხმარებელია. კომპაია ჩინეთის ბაზარზე, ციფრული გადასახადების მიმართულებით მთავარი მოთამაშეა. მისი გადახდის აპლიკაცია WeChat Pay, ბაზრის წილის მოსაპოვებლად, კონკურენციას უწევს Ant Group– ის AliPay– ს. კომპანიის დამფუძნებელი ჩინეთის ყველაზე მდიდარი ადამიანების რიცხვშია.
ჩინეთის ყველაზე დიდი ელექტრონული კომერციული პლატფორმის Alibaba–ს დამფუძნებელი ჯეკ მა დიდი პოპულარობით სარგებლობს, როგორც ქვეყნის ერთ-ერთ ყველაზე წარმატებულ მეწარმეს.
ჩინეთის ბაზრის რეგულირების სახელმწიფო ადმინისტრაციამ (SAMR) პარასკევს განაცხადა, რომ დააჯარიმდა 12 კომპანია, რომლებიც ანტიმონოპოლიურ წესებს არღვევენ.
